کبھی جو آپ کو دیکھوں تو دل میں پھول کھلتے ہیں

کبھی جو آپ کو دیکھوں تو دل میں پھول کھلتے ہیں

کہوں میں آپ سے کیسے مجھے آپ اچھے لگتے ہیں

مرے دل کی یہ خواہش ہے بنوں میں آپ کی دلہن

کہ دل میں آپ رہتے ہیں مرے ہونٹوں پہ سجتے ہیں

ادھورے خواب جیون کے مرے ہو جائیں گے پورے

مری آنکھوں میں تیری چاہ کے الہام پلتے ہیں

یہاں فرصت کسے ہے دل کی جو بستی کرے آباد

یہاں سورج کی ہم راہی میں سارے لوگ چلتے ہیں

کنارے نیلگوں دریا کے جیسے ہم بھی ہیں گویا

دعاؔ جو پانی کے پھیلاؤ کی دوری پہ رہتے ہیں