kabhi mila mujhe mauqa jo lab-kushai ka

kabhī milā mujhe mauqa' jo lab-kushā.ī kā

maiñ kar sakā na gila terī bevafā.ī kā

har ek ġham bhī tirā hañs ke sah gayā lekin

bhulā sakā nahīñ lamha tirī judā.ī kā

tamām raat khanaktā hai chup nahīñ hotā

mire ḳhayāl meñ kangan tirī kalā.ī kā

maiñ kis tarah tirī bātoñ pe e'tibār karūñ

ki āj-kal yahāñ dushman hai bhaa.ī bhaa.ī kā

banā misāl vo 'ibrat kī kul-jahāñ ke liye

kiyā hai jis ne bhī dā'vā yahāñ ḳhudā.ī kā

maiñ raakh jhaaḌ ke cigarette kī uTh paḌā 'shahzād'

jahāñ bhī zikr huā terī pārsā.ī kā

kabhi mila mujhe mauqa' jo lab-kushai ka

main kar saka na gila teri bewafai ka

har ek gham bhi tera hans ke sah gaya lekin

bhula saka nahin lamha teri judai ka

tamam raat khanakta hai chup nahin hota

mere KHayal mein kangan teri kalai ka

main kis tarah teri baaton pe e'tibar karun

ki aaj-kal yahan dushman hai bhai bhai ka

bana misal wo 'ibrat ki kul-jahan ke liye

kiya hai jis ne bhi da'wa yahan KHudai ka

main rakh jhaD ke cigarette ki uTh paDa 'shahzad'

jahan bhi zikr hua teri parsai ka