kabhi ruka main yahan to kabhi wahan Thahra

kabhī rukā maiñ yahāñ to kabhī vahāñ Thahrā

ḳhushī ke vāste āḳhir kahāñ kahāñ Thahrā

vo bhiik maañg rahā thā ḳhulūs kī lekin

sadā.eñ sun ke kisī kī koī kahāñ Thahrā

jale bahan yā koī aur kaun pūchhegā

mirā samāj to vaise bhī be-zabāñ Thahrā

dayār-e-ġhair meñ jā kar to kuchh sañvar jaatā

milegā pyaar yahī soch kar yahāñ Thahrā

kise ḳhabar ki vo merī tarah safar meñ hai

sukūt-e-shab meñ parinda kahāñ kahāñ Thahrā

nazar-navāz nazāra thā duur se lekin

'vaqār' paas se dekhā to vo dhuāñ Thahrā

kabhi ruka main yahan to kabhi wahan Thahra

KHushi ke waste aaKHir kahan kahan Thahra

wo bhik mang raha tha KHulus ki lekin

sadaen sun ke kisi ki koi kahan Thahra

jale bahan ya koi aur kaun puchhega

mera samaj to waise bhi be-zaban Thahra

dayar-e-ghair mein ja kar to kuchh sanwar jata

milega pyar yahi soch kar yahan Thahra

kise KHabar ki wo meri tarah safar mein hai

sukut-e-shab mein parinda kahan kahan Thahra

nazar-nawaz nazara tha dur se lekin

'waqar' pas se dekha to wo dhuan Thahra