کبھی تو آتے وہ بالائے بام کہہ دینا

کبھی تو آتے وہ بالائے بام کہہ دینا

کبھی تو ہم سے بھی کرتے کلام کہہ دینا

زمانہ سازوں سے اللہ بس بچائے مجھے

غضب ہوا مرا اتنا کلام کہہ دینا

یہ کوئی بات ہے ہنس ہنس کے طنز سے ظالم

جو منہ میں آئے مجھے بے لگام کہہ دینا

مزا تو جب ہے کہ چپکے سے بھی نہ پی واعظ

ہمیں بھی آتا ہے جھٹ سے حرام کہہ دینا

لگائے آس ہوں کب سے میں نامہ بر کے لئے

ملے جو راہ میں میرا سلام کہہ دینا

صبا کرم ہو یہ دیوانؔ پر خدا کے لئے

نہ کچھ سہی تو فقط اک سلام کہہ دینا