kabhi tum bhigne aana meri aankhon ke mausam mein

Farah iqbal

kabhi tum bhigne aana meri aankhon ke mausam mein

Farah iqbal

MORE BYFarah iqbal

    kabhī tum bhīgne aanā mirī āñkhoñ ke mausam meñ

    banānā mujh ko dīvāna mirī āñkhoñ ke mausam meñ

    barastā bhīgtā ho jab koī lamha nigāhoñ meñ

    vahīñ tum bhī Thahar jaanā mirī āñkhoñ ke mausam meñ

    ka.ī mausam guzāre haiñ unhoñ ne dhuup chhāñv ke

    nayā mausam koī laanā mirī āñkhoñ ke mausam meñ

    sunahrī dhuup phailī ho kahīñ yādoñ ke jañgal meñ

    to kirneñ ban ke muskānā mirī āñkhoñ ke mausam meñ

    kabhī do-chār ho jaa.eñ mirī nazreñ jo tum se to

    chhalak jā.egā paimāna mirī āñkhoñ ke mausam meñ

    mirī āñkhoñ ke sab mausam haiñ tanhā.ī se ghabrā.e

    na tanhā chhoḌ kar jaanā mirī āñkhoñ ke mausam meñ

    haiñ yuuñ to fāsle kitne zamānoñ ke makānoñ ke

    magar milte ho rozāna mirī āñkhoñ ke mausam meñ

    kabhi tum bhigne aana meri aankhon ke mausam mein

    banana mujh ko diwana meri aankhon ke mausam mein

    barasta bhigta ho jab koi lamha nigahon mein

    wahin tum bhi Thahar jaana meri aankhon ke mausam mein

    kai mausam guzare hain unhon ne dhup chhanw ke

    naya mausam koi lana meri aankhon ke mausam mein

    sunahri dhup phaili ho kahin yaadon ke jangal mein

    to kirnen ban ke muskana meri aankhon ke mausam mein

    kabhi do-chaar ho jaen meri nazren jo tum se to

    chhalak jaega paimana meri aankhon ke mausam mein

    meri aankhon ke sab mausam hain tanhai se ghabrae

    na tanha chhoD kar jaana meri aankhon ke mausam mein

    hain yun to fasle kitne zamanon ke makanon ke

    magar milte ho rozana meri aankhon ke mausam mein

    Source :
    • Book : Koi bhi rut ho (Pg. 65)
    • Author : Farah iqbal
    • Publication : Alhamd Publications (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY