kabhi tumne bhi ye socha ki hum fariyaad kya karte
kabhi tumne bhi ye socha ki hum fariyaad kya karte
Nakhshab Jaarchawi
MORE BYNakhshab Jaarchawi
kabhī tum ne bhī ye sochā ki ham fariyād kyā karte
tumhārā dil dukhā kar apne dil ko shaad kyā karte
mirī barbādiyoñ par hañsne vaalo ye to samjhā do
jo mil jaatā tumhīñ ko ye dil-e-barbād kyā karte
nigāh-e-yās meñ jab nāla-e-ḳhāmosh pinhāñ hai
to phir hoñThoñ ko ham sharminda-e-faryād kyā karte
dam-e-āḳhir bhī ai dil ḳhud-farebī hichkiyāñ kaisī
jo dānista bhulā baiThe vo tujh ko yaad kyā karte
mujhe dekhā to har ik ne unheñ jallād Thahrāyā
unheñ dekhā to bole ye bhalā bedād kyā karte
zamāna jāntā hai hazrat-e-'naḳhshab' kī ḳhud-dārī
ḳhilāf-e-aql hai vo ārzū-e-dād kyā karte
kabhi tum ne bhi ye socha ki hum fariyaad kya karte
tumhaara dil dukha kar apne dil ko shad kya karte
meri barbaadiyon par hansne walo ye to samjha do
jo mil jata tumhin ko ye dil-e-barbaad kya karte
nigah-e-yas mein jab nala-e-KHamosh pinhan hai
to phir honThon ko hum sharminda-e-faryaad kya karte
dam-e-aKHir bhi ai dil KHud-farebi hichkiyan kaisi
jo danista bhula baiThe wo tujh ko yaad kya karte
mujhe dekha to har ek ne unhen jallad Thahraya
unhen dekha to bole ye bhala bedad kya karte
zamana jaanta hai hazrat-e-'naKHshab' ki KHud-dari
KHilaf-e-aql hai wo aarzu-e-dad kya karte
Source:
Mashal-e-raah (Pg. B-49 E-51)
- Author: Nakhshab Jaarchawi
-
- Publisher: Hindustani Publishers, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
