کف قاتل میں خنجر جاگتا ہے
کف قاتل میں خنجر جاگتا ہے
بڑا پر کیف منظر جاگتا ہے
ادھر انگڑائیاں لیتی ہیں نیندیں
ادھر زخموں کا بستر جاگتا ہے
اٹھے ہے پہلے سینے میں دھواں سا
پھر آنکھوں میں سمندر جاگتا ہے
عجب ہے درد کو یادوں سے نسبت
کہ نغمہ جیسے لے پر جاگتا ہے
تمناؤں کا یہ انجام توبہ
لہو کا اک سمندر جاگتا ہے
یہ عالم تو نہ تھا درماں سے پہلے
کہ اب رگ رگ میں نشتر جاگتا ہے
تمہارے شعر بھی اسرارؔ کیا ہیں
بس اک لفظوں کا لشکر جاگتا ہے
مأخذ:
دسترس (Pg. 54)
- مصنف: اسرارالحق اسرار
-
- ناشر: اسرارالحق اسرار
- سن اشاعت: 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
