kaha jab tum se chaara dard-e-dil ka ho nahin sakta

Hasan Barelvi

kaha jab tum se chaara dard-e-dil ka ho nahin sakta

Hasan Barelvi

MORE BYHasan Barelvi

    kahā jab tum se chāra dard-e-dil ho nahīñ saktā

    to jhunjhlā kar kahā terā kalejā ho nahīñ saktā

    vo apnī zid ke puure haT ke puure aan ke puure

    faqat itnī kamī hai qaul puurā ho nahīñ saktā

    kahāñ chāra-farmā.ī ayādat tak nahīñ karte

    masīhā.ī pe marte haiñ aur itnā ho nahīñ saktā

    sar-e-tūr un ke jalve ne pukārā ḳhud-numā ho kar

    ki apne chāhne vaale se pardā ho nahīñ saktā

    kahā jab un se merī zindagī tum ho kahā hañs kar

    maiñ samjhā ab tumheñ merā bharosā ho nahīñ saktā

    mirā ghar ġhair ghar to nahīñ kyūñ-kar vo khul kheleñ

    nigāheñ uTh nahīñ saktīñ ishārā ho nahīñ saktā

    'sharaf' aur 'rashk' ke kahne se kuchh tuk-bandiyāñ kar liiñ

    'hasan' afkār meñ ham se do-ġhazlā ho nahīñ saktā

    kaha jab tum se chaara dard-e-dil ka ho nahin sakta

    to jhunjhla kar kaha tera kaleja ho nahin sakta

    wo apni zid ke pure haT ke pure aan ke pure

    faqat itni kami hai qaul pura ho nahin sakta

    kahan ki chaara-farmai ayaadat tak nahin karte

    masihai pe marte hain aur itna ho nahin sakta

    sar-e-tur un ke jalwe ne pukara KHud-numa ho kar

    ki apne chahne wale se parda ho nahin sakta

    kaha jab un se meri zindagi tum ho kaha hans kar

    main samjha ab tumhein mera bharosa ho nahin sakta

    mera ghar ghair ka ghar to nahin kyun-kar wo khul khelen

    nigahen uTh nahin saktin ishaara ho nahin sakta

    'sharaf' aur 'rashk' ke kahne se kuchh tuk-bandiyan kar lin

    'hasan' afkar mein hum se do-ghazla ho nahin sakta

    Source :
    • Book : Intekhab-e-Sukhan(Jild-2) (Pg. 130)
    • Author : Hasrat Mohani
    • Publication : uttar pradesh urdu academy (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY