kahan basti mein hum har ek hasin se chae pite hain

kahāñ bastī meñ ham har ik hasīñ se chaa.e piite haiñ

jahāñ chāhat mayassar ho vahīñ se chaa.e piite haiñ

ye ḳhasta kursiyāñ ye zard chehre aur dhuāñ manzar

yahīñ ham baiThte haiñ aur yahīñ se chaa.e piite haiñ

bahut uktā ga.e haiñ 'arsh kī paiham masāfat se

chalo aao nikalte haiñ zamīñ se chaa.e piite haiñ

shikasta-dil haiñ aur TuuTe diloñ se ham ko nisbat hai

inhīñ meñ baiThte haiñ aur inhīñ se chaa.e piite haiñ

mire ham-sā.e ho kyoñ mujh se itnā duur rahte ho

chalo kuchh baat karte haiñ kahīñ se chaa.e piite haiñ

dayār-e-ġhair meñ haiñ aur yahī hai būd-o-bāsh apnī

kisī sofe pe sote haiñ mashīñ se chaa.e piite haiñ

kisī kī yaad meñ baiThe raheñ yuuñ ġham-zada kab tak

chalo 'ashfāq' chalte haiñ kahīñ se chaa.e piite haiñ

kahan basti mein hum har ek hasin se chae pite hain

jahan chahat mayassar ho wahin se chae pite hain

ye KHasta kursiyan ye zard chehre aur dhuan manzar

yahin hum baiThte hain aur yahin se chae pite hain

bahut ukta gae hain 'arsh ki paiham masafat se

chalo aao nikalte hain zamin se chae pite hain

shikasta-dil hain aur TuTe dilon se hum ko nisbat hai

inhin mein baiThte hain aur inhin se chae pite hain

mere ham-sae ho kyon mujh se itna dur rahte ho

chalo kuchh baat karte hain kahin se chae pite hain

dayar-e-ghair mein hain aur yahi hai bud-o-bash apni

kisi sofe pe sote hain mashin se chae pite hain

kisi ki yaad mein baiThe rahen yun gham-zada kab tak

chalo 'ashfaq' chalte hain kahin se chae pite hain