kahan hai koi KHuda ka KHuda ke bandon mein
kahāñ hai koī ḳhudā kā ḳhudā ke bandoñ meñ
ghirā huā huuñ abhī tak anā ke bandoñ meñ
na koī samt muqarrar na koī jā-e-qarār
hai intishār kā aalam havā ke bandoñ meñ
vo kaun hai jo nahīñ apnī maslahat kā ġhulām
kahāñ hai bū-e-vafā ab vafā ke bandoñ meñ
ḳhudā kare ki samā.at se maiñ rahūñ mahrūm
kabhī jo zikr ho merā riyā ke bandoñ meñ
sazā.eñ merī tarah hañs ke jhelne vaalā
nahīñ hai koī bhī ahd-e-sazā ke bandoñ meñ
nā āfiyat kī sahar hai na imbisāt kī shaam
huuñ ek umr se sahrā balā ke bandoñ meñ
suḳhan shanās hai kitnā ye pūchh luuñ 'qaisar'
nazar vo aa.e jo harf-o-navā ke bandoñ meñ
kahan hai koi KHuda ka KHuda ke bandon mein
ghira hua hun abhi tak ana ke bandon mein
na koi samt muqarrar na koi ja-e-qarar
hai intishaar ka aalam hawa ke bandon mein
wo kaun hai jo nahin apni maslahat ka ghulam
kahan hai bu-e-wafa ab wafa ke bandon mein
KHuda kare ki samaat se main rahun mahrum
kabhi jo zikr ho mera riya ke bandon mein
sazaen meri tarah hans ke jhelne wala
nahin hai koi bhi ahd-e-saza ke bandon mein
na aafiyat ki sahar hai na imbisat ki sham
hun ek umr se sahra bala ke bandon mein
suKHan shanas hai kitna ye puchh lun 'qaisar'
nazar wo aae jo harf-o-nawa ke bandon mein
Source:
Tridhara (Pg. 32)
- Author: Dr. Hari Kunwar Rai 'Kunwar'
-
- Edition: 1996
- Publisher: Dishantar Parkashan
- Year of Publication: 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
