kahan kahan pe hai milta kahan nahin milta

kahāñ kahāñ pe hai miltā kahāñ nahīñ miltā

zamīn jāntī hai āsmāñ nahīñ miltā

samajh sakā na kabhī koī kaifiyat merī

maiñ vo charāġh huuñ jis kā dhuāñ nahīñ miltā

safar kaThin hai bahut sañglāḳh rāheñ haiñ

sukūn ke liye ab sā.ebāñ nahīñ miltā

Thahar ga.ī hai talātum meñ kashtī-e-hastī

maiñ kyā karūñ mujhe āb-e-ravāñ nahīñ miltā

maiñ apne raaz sabhī khol duuñ kisī dil par

kahūñ maiñ kis se koī rāz-dāñ nahīñ miltā

kabhī to jhāñk liyā hotā apne andar bhī

talāsh kartā hai jis jā vahāñ nahīñ miltā

sadā.eñ dair se aatī haiñ yaañ bhī dekh to le

haram pukār ke kahtā hai vaañ nahīñ miltā

gumān chhoḌ de manzil kī kuchh sharā.it haiñ

binā qubūl kiye do-jahāñ nahīñ miltā

kahan kahan pe hai milta kahan nahin milta

zamin jaanti hai aasman nahin milta

samajh saka na kabhi koi kaifiyat meri

main wo charagh hun jis ka dhuan nahin milta

safar kaThin hai bahut sanglaKH rahen hain

sukun ke liye ab saeban nahin milta

Thahar gai hai talatum mein kashti-e-hasti

main kya karun mujhe aab-e-rawan nahin milta

main apne raaz sabhi khol dun kisi dil par

kahun main kis se koi raaz-dan nahin milta

kabhi to jhank liya hota apne andar bhi

talash karta hai jis ja wahan nahin milta

sadaen dair se aati hain yan bhi dekh to le

haram pukar ke kahta hai wan nahin milta

guman chhoD de manzil ki kuchh sharait hain

bina qubul kiye do-jahan nahin milta