kahin dariya nahin hota kahin sahra nahin hota

Pawan Kumar

kahin dariya nahin hota kahin sahra nahin hota

Pawan Kumar

MORE BY Pawan Kumar

    kahīñ dariyā nahīñ hotā kahīñ sahrā nahīñ hotā

    zarūrat par hamārī koī bhī apnā nahīñ hotā

    kahānī ḳhatm ho jaatī koī sadma nahīñ hotā

    bichhaḌte vaqt vo chhup kar agar royā nahīñ hotā

    batāo kaun shai kamī hai mere paikar meñ

    mujhe samjhāo merā aks kyuuñ samjhā nahīñ hotā

    tumhārī yaad ke saa.e meñ yuuñ har-vaqt rahtā huuñ

    maiñ tanhā rah bhī jā.ūñ to kabhī tanhā nahīñ hotā

    mohabbat meñ yahī nazārgī to lutf detī hai

    koī khiḌkī nahīñ hotī koī parda nahīñ hotā

    tasallī aur dilāse sab ke sab be-kār jaate haiñ

    na jaane kis tarah bikhrā huuñ maiñ yakjā nahīñ hotā

    use tum dhuup meñ barsāt meñ kohre meñ rakh dekho

    'pavan' vo aa.ina hai jo kabhī dhuñdhlā nahīñ hotā

    kahin dariya nahin hota kahin sahra nahin hota

    zarurat par hamari koi bhi apna nahin hota

    kahani KHatm ho jati koi sadma nahin hota

    bichhaDte waqt wo chhup kar agar roya nahin hota

    batao kaun si shai ki kami hai mere paikar mein

    mujhe samjhao mera aks kyun samjha nahin hota

    tumhaari yaad ke sae mein yun har-waqt rahta hun

    main tanha rah bhi jaun to kabhi tanha nahin hota

    mohabbat mein yahi nazargi to lutf deti hai

    koi khiDki nahin hoti koi parda nahin hota

    tasalli aur dilase sab ke sab be-kar jate hain

    na jaane kis tarah bikhra hun main yakja nahin hota

    use tum dhup mein barsat mein kohre mein rakh dekho

    'pawan' wo aaina hai jo kabhi dhundhla nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY