kahin wo chehra-e-zeba nazar nahin aaya

Sahar Ansari

kahin wo chehra-e-zeba nazar nahin aaya

Sahar Ansari

MORE BYSahar Ansari

    kahīñ vo chehra-e-zebā nazar nahīñ aayā

    gayā vo shaḳhs to phir lauT kar nahīñ aayā

    kahūñ to kis se kahūñ aa ke ab sar-e-manzil

    safar tamām huā ham-safar nahīñ aayā

    maiñ vo musāfir-e-dasht-e-ġham-e-mohabbat huuñ

    jo ghar pahuñch ke bhī soche ki ghar nahīñ aayā

    sabā ne faash kiyā rāz-e-bū-e-gesū-e-yār

    ye jurm ahl-e-tamannā ke sar nahīñ aayā

    kabhī koī tire va.adoñ tazkira chheḌe

    to kyā kahūñ ki koī nāma-bar nahīñ aayā

    phir ek ḳhvāb-e-vafā bhar rahā hai āñkhoñ meñ

    ye rañg hijr shab jaag kar nahīñ aayā

    mire lahū ko mirī ḳhāk-e-nāguzīr ko dekh

    yūñhī salīqa-e-arz-e-hunar nahīñ aayā

    na jaane zabt ke hāthoñ 'sahar' pe kyā guzrī

    bahut dinoñ se vo āshufta-sar nahīñ aayā

    kahin wo chehra-e-zeba nazar nahin aaya

    gaya wo shaKHs to phir lauT kar nahin aaya

    kahun to kis se kahun aa ke ab sar-e-manzil

    safar tamam hua ham-safar nahin aaya

    main wo musafir-e-dasht-e-gham-e-mohabbat hun

    jo ghar pahunch ke bhi soche ki ghar nahin aaya

    saba ne fash kiya raaz-e-bu-e-gesu-e-yar

    ye jurm ahl-e-tamanna ke sar nahin aaya

    kabhi koi tere wadon ka tazkira chheDe

    to kya kahun ki koi nama-bar nahin aaya

    phir ek KHwab-e-wafa bhar raha hai aankhon mein

    ye rang hijr ki shab jag kar nahin aaya

    mere lahu ko meri KHak-e-naguzir ko dekh

    yunhi saliqa-e-arz-e-hunar nahin aaya

    na jaane zabt ke hathon 'sahar' pe kya guzri

    bahut dinon se wo aashufta-sar nahin aaya

    Source
    • Book : Range-e-Gazal (Pg. 233)
    • Author : shahzaad ahmad
    • Publication : Ali Printers, 19-A Abate Road, Lahore (1988)
    • Edition : 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY