کہنا نہ مانا کوچۂ قاتل میں رہ گیا
کہنا نہ مانا کوچۂ قاتل میں رہ گیا
میرزا الطاف حسین عالم لکھنوی
MORE BYمیرزا الطاف حسین عالم لکھنوی
کہنا نہ مانا کوچۂ قاتل میں رہ گیا
اچھا ہوا جو دل کسی مشکل میں رہ گیا
کیا پوچھتے ہو ایسے مسافر کی سرگزشت
جس کو کہ دل بھی چھوڑ کے منزل میں رہ گیا
نکلا تھا بن سنور کے بہت چودھویں کا چاند
پھر بھی وہ تیرے رخ کے مقابل میں رہ گیا
قاتل نے تیغ میان میں کچھ سوچ کر رکھی
تھوڑا سا جب کہ دم تن بسمل میں رہ گیا
درہم ملا بھی منعم کج خلق سے اگر
اک داغ بن کے وہ کف سائل میں رہ گیا
اتنا بتا دے اس کے اٹھانے سے فائدہ
تصویر بن کے جو تری محفل میں رہ گیا
کیا جانے بحر عشق کی حالت وہ بد نصیب
دم توڑ کر جو دامن ساحل میں رہ گیا
فکر اس کی رنج اس کا امید اس کی کچھ نہ پوچھ
جو سر جھکا کے کوچۂ قاتل میں رہ گیا
تعبیر خواب زلف مسلسل تھی کیا یہی
عالمؔ جکڑ کے میں جو سلاسل میں رہ گیا
مأخذ:
Intekhab-e-Kuliyat Aalim Lucknowi (Pg. 254)
- مصنف: Mirza Mohammad Yousuf
-
- اشاعت: 2010
- ناشر: M. R. Publication
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
