kahne ko ho chuka hun main farigh-ba-rozgar

kahne ko ho chukā huuñ maiñ fāriġh-ba-rozgār

ālām-e-rozgār se mumkin nahīñ farār

jis dil pe sirf merā hī haq honā chāhiye

vo ab bhī mere paas hai par vaqf-e-intishār

kal bhī thā aur kal bhī rahegā bahar-lihāz

rāh-e-safar kā hissa chaman-zār ḳhār-zār

mausam hai fasl-e-gul kā magar dil ke baaġh meñ

haiñ Tahniyāñ udaas to shāḳheñ haiñ be-bahār

ḳhāzin huuñ nazm-o-nasr ke sarmā.e kā magar

mumkin nahīñ hai mujh se kitāboñ kā kārobār

naqd-o-nazar se letā hai 'āsim' bhī shaaz kaam

rakhtā nahīñ kabhī koī saudā magar udhār

kahne ko ho chuka hun main farigh-ba-rozgar

aalam-e-rozgar se mumkin nahin farar

jis dil pe sirf mera hi haq hona chahiye

wo ab bhi mere pas hai par waqf-e-intishaar

kal bhi tha aur kal bhi rahega bahar-lihaz

rah-e-safar ka hissa chaman-zar KHar-zar

mausam hai fasl-e-gul ka magar dil ke bagh mein

hain Tahniyan udas to shaKHen hain be-bahaar

KHazin hun nazm-o-nasr ke sarmae ka magar

mumkin nahin hai mujh se kitabon ka karobar

naqd-o-nazar se leta hai 'asim' bhi shaz kaam

rakhta nahin kabhi koi sauda magar udhaar