kaho to kya ye masala hai ain shin qaf ka

kaho to kyā ye mas.ala hai 'ain shiin qaaf kā

jī rasta mushkiloñ-bharā hai 'ain shiin qaaf kā

ise kiye baġhair ḳhud ḳhudā bhī rah nahīñ sakā

yahī to dost mo'jiza hai 'ain shiin qaaf kā

bane phire haiñ qais āj-kal jo un se pūchhiye

unheñ zarā sā bhī pata hai 'ain shiin qaaf kā

yahāñ vahāñ na dekh shaiḳh jā chalā jā mai-kade

agar jo raqs dekhnā hai 'ain shiin qaaf kā

sināñ kī nok par karā de jo imaam se sanā

huzūr aisā martaba hai 'ain shiin qaaf kā

tire baġhair chal nahīñ sakeñge ik qadam bhī ham

bahut kaThin ye rāsta hai 'ain shiin qaaf kā

kahīñ pe karbalā kahīñ pe hashr barpā kar diyā

ye muḳhtasar sā vāqi'a hai 'ain shain qaaf kā

kaho to kya ye masala hai 'ain shin qaf ka

ji rasta mushkilon-bhara hai 'ain shin qaf ka

ise kiye baghair KHud KHuda bhi rah nahin saka

yahi to dost mo'jiza hai 'ain shin qaf ka

bane phire hain qais aaj-kal jo un se puchhiye

unhen zara sa bhi pata hai 'ain shin qaf ka

yahan wahan na dekh shaiKH ja chala ja mai-kade

agar jo raqs dekhna hai 'ain shin qaf ka

sinan ki nok par kara de jo imam se sana

huzur aisa martaba hai 'ain shin qaf ka

tere baghair chal nahin sakenge ek qadam bhi hum

bahut kaThin ye rasta hai 'ain shin qaf ka

kahin pe karbala kahin pe hashr barpa kar diya

ye muKHtasar sa waqi'a hai 'ain shain qaf ka