kahta hai baghban lihaza na chahiye

Shaad Aarfi

kahta hai baghban lihaza na chahiye

Shaad Aarfi

MORE BY Shaad Aarfi

    kahtā hai bāġhbān lihāzā na chāhiye

    varna chaman haal chhupānā na chāhiye

    is mashvara ke saath ki charchā na chāhiye

    dil kah rahā hai un pe bharosa na chāhiye

    paḌ jaa.e ḳhadd-o-ḳhāl-e-manāzir pe raushnī

    itne qarīb se bhī nazāra na chāhiye

    ham ġhaur kar rahe haiñ to mahfil hai fikr meñ

    uThnā na chāhiye ki uThānā na chāhiye

    dastūr hai guzārish-e-ahvāl-e-vāqa.ī

    qānūn ye nahīñ hai ki shikva na chāhiye

    tūfān-e-inqalāb se māyūsiyoñ ke ba.ad

    kashtī pukārtī hai kinārā na chāhiye

    gul-hā-e-rañg-rañg meñ Thantī nahīñ kabhī

    ham ko bhī is lihāz se jhagḌā na chāhiye

    kaTtī hai aarzū ke sahāre pe zindagī

    kaise kahūñ kisī tamannā na chāhiye

    merā qusūr ye hai ki hubb-e-vatan meñ 'shād'

    likhtā huuñ likh chukā huuñ jo likhnā na chāhiye

    kahta hai baghban lihaza na chahiye

    warna chaman ka haal chhupana na chahiye

    is mashwara ke sath ki charcha na chahiye

    dil kah raha hai un pe bharosa na chahiye

    paD jae KHadd-o-KHal-e-manazir pe raushni

    itne qarib se bhi nazara na chahiye

    hum ghaur kar rahe hain to mahfil hai fikr mein

    uThna na chahiye ki uThana na chahiye

    dastur hai guzarish-e-ahwal-e-waqai

    qanun ye nahin hai ki shikwa na chahiye

    tufan-e-inqalab se mayusiyon ke baad

    kashti pukarti hai kinara na chahiye

    gul-ha-e-rang-rang mein Thanti nahin kabhi

    hum ko bhi is lihaz se jhagDa na chahiye

    kaTti hai aarzu ke sahaare pe zindagi

    kaise kahun kisi ki tamanna na chahiye

    mera qusur ye hai ki hubb-e-watan mein 'shad'

    likhta hun likh chuka hun jo likhna na chahiye

    Source:

    • Book: mahvar (Pg. 83)
    • Author: narendar nashchal
    • Publication: kohi noor paress lalkunvan delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY