کہوں بھی تو کہوں اس کے سوا کیا
کہوں بھی تو کہوں اس کے سوا کیا
کہ میں کیا اور میرا مدعا کیا
تری محفل سے اے رشک مسیحا
غم دل کے سوا دل کو ملا کیا
ترے دامن میں دولت دو جہاں کی
مرے دامن میں دامن کے سوا کیا
گلستاں ھجلۂ غم بن گیا ہے
عروس لالہ و گل کا پتا کیا
سر ساحل چراغاں ہو رہا ہے
سفینہ پھر بھنور میں آ گیا کیا
تمہاری شان استغنا سلامت
مرے حال زبوں کا پوچھنا کیا
خمار آگیں نظر مغموم چہرہ
کہیں جام محبت پی لیا کیا
تمناؤں کا میری خون کر کے
تمہیں جان تمنا مل گیا کیا
مأخذ:
نمود صبح (Pg. 130)
- مصنف: تہور علی زیدی
-
- سن اشاعت: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
