کہوں یہ کیسے کہ دل کو ترا خیال نہیں

کہوں یہ کیسے کہ دل کو ترا خیال نہیں

یہ بات اور کہ ظاہر ہوا ملال نہیں

تڑپ رہا ہے ابھی تک یہ دل اسی کے لیے

وہ میرا عشق ہے اور عشق کو زوال نہیں

تمام عمر سسکتے ہوئے ہی گزرے گی

مرے نصیب میں جاناں ترا وصال نہیں

سبھی جواب مجھے خامشی میں ملتے ہیں

تمہارے طرز تکلم کی بھی مثال نہیں

تو کیا ہوا جو اگر لٹ گیا بھرم میرا

کہ ایک طرفہ محبت میں کچھ کمال نہیں

ستم وہ لاکھ کرے ساتھ میرے حق ہے اسے

مرے لبوں پہ شکایت نہیں سوال نہیں

کنارہ عشق سے اس کے محال ہے عشبہؔ

وہ جان جاں ہے مری جان کا وبال نہیں