kaise bujhta bhala charagh mera
kaise bujhtā bhalā charāġh mirā
dil ne raushan rakhā dimāġh mirā
ab mujhe 'ilm hai ki maiñ kyā huuñ
ab chhalaktā nahīñ ayāġh mirā
aa rahī hai havā kise chhū kar
aaj sahrā hai bāġh-bāġh mirā
haath shāyad tumhāre aa jaa.e
mujh ko hāsil kahāñ farāġh mirā
chāroñ atrāf thī havā kī fasīl
kis ne gul kar diyā charāġh mirā
aisā uljhā hai mujh se tār-e-ḳhirad
kaam kartā nahīñ dimāġh mirā
gum huuñ maiñ apnī zaat meñ 'āzar'
kyā lage vaqt ko surāġh mirā
kaise bujhta bhala charagh mera
dil ne raushan rakha dimagh mera
ab mujhe 'ilm hai ki main kya hun
ab chhalakta nahin ayagh mera
aa rahi hai hawa kise chhu kar
aaj sahra hai bagh-bagh mera
hath shayad tumhaare aa jae
mujh ko hasil kahan faragh mera
chaaron atraf thi hawa ki fasil
kis ne gul kar diya charagh mera
aisa uljha hai mujh se tar-e-KHirad
kaam karta nahin dimagh mera
gum hun main apni zat mein 'azar'
kya lage waqt ko suragh mera
- Book : Sooraj Mukhi Ka Phool (Pg. 90)
- Author : Dilawar Ali Aazar
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
