kaise charagh ab to sharara koi nahin
kaise charāġh ab to sharāra koī nahīñ
ḳhush hai havā ki shab meñ hamārā koī nahīñ
kaisī 'ajīb jang laḌe jā rahe haiñ ham
jiitā jise koī nahīñ haarā koī nahīñ
manzil hai terī shaam ke sāyoñ ke ham-safar
ye āsmāñ ki jis pe sitāra koī nahīñ
vo din hai jis ko chhoḌ ke sūraj chalā gayā
vo raat hai ki jis kā kināra koī nahīñ
us sarzamīñ pe ashk bahāne se fā.eda
jis sarzamīñ ko ḳhuun kā dhārā koī nahīñ
ḳhā.if haiñ is maqām pe ye log kis liye
kyā Dar ki ab mazīd ḳhasāra koī nahīñ
pūchhā jo maiñ ne koī to hogā mirī taraf
ik shaḳhs uThā aur uTh ke pukārā koī nahīñ
kaise charagh ab to sharara koi nahin
KHush hai hawa ki shab mein hamara koi nahin
kaisi 'ajib jang laDe ja rahe hain hum
jita jise koi nahin haara koi nahin
manzil hai teri sham ke sayon ke ham-safar
ye aasman ki jis pe sitara koi nahin
wo din hai jis ko chhoD ke suraj chala gaya
wo raat hai ki jis ka kinara koi nahin
us sarzamin pe ashk bahane se faeda
jis sarzamin ko KHun ka dhaara koi nahin
KHaif hain is maqam pe ye log kis liye
kya Dar ki ab mazid KHasara koi nahin
puchha jo main ne koi to hoga meri taraf
ek shaKHs uTha aur uTh ke pukara koi nahin
Source:
Subh Bakhair Zindagi (Pg. 28)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.