کیسے کیسے اس دنیا میں بھیس بنا کر آئے لوگ

کیسے کیسے اس دنیا میں بھیس بنا کر آئے لوگ

اب پہچانے ہی نہیں جاتے اپنے اور پرائے لوگ

غم کا بوجھ اٹھاتے کب تک آخر راحت پانے کو

اور کہاں جاتے وہ اٹھ کر مے خانے میں آئے لوگ

کھیلنا چاہو تم بھی کھیلو لیکن اتنا یاد رہے

خون کی ہولی کھیل کے اکثر دنیا میں پچھتائے لوگ

بے مقصد بھی بن جاتے ہیں افسانے اس دنیا میں

دشمن ہو جاتے ہیں اکثر اپنے ہی ہمسائے لوگ

ان کا جور وہی ہے اب تک ان کا طور وہی اب تک

حال ہمارا دیکھ کے اب تو رہبرؔ سب گھبرائے لوگ