kaisi kaisi aayaten mastur hain nuqte ke bich

Anwar Masood

kaisi kaisi aayaten mastur hain nuqte ke bich

Anwar Masood

MORE BYAnwar Masood

    kaisī kaisī āyateñ mastūr haiñ nuqte ke biich

    kyā ghane jañgal chhupe baiThe haiñ ik daane ke biich

    rafta rafta raḳhna raḳhna ho ga.ī miTTī geñd

    ab ḳhalījoñ ke sivā kyā rah gayā naqshe ke biich

    maiñ to bāhar ke manāzir se abhī fāriġh nahīñ

    kyā ḳhabar hai kaun se asrār haiñ parde ke biich

    ai dil-e-nādāñ kisī rūThnā mat yaad kar

    aan Tapkegā koī aañsū bhī is jhagḌe ke biich

    saare aḳhbāroñ meñ dekhūñ haal apne burj

    ab mulāqāt us se hogī kaun se hafte ke biich

    maiñ ne 'anvar' is liye bāñdhī kalā.ī par ghaḌī

    vaqt pūchheñge ka.ī mazdūr bhī raste ke biich

    kaisi kaisi aayaten mastur hain nuqte ke bich

    kya ghane jangal chhupe baiThe hain ek dane ke bich

    rafta rafta raKHna raKHna ho gai miTTi ki gend

    ab KHalijon ke siwa kya rah gaya naqshe ke bich

    main to bahar ke manazir se abhi farigh nahin

    kya KHabar hai kaun se asrar hain parde ke bich

    ai dil-e-nadan kisi ka ruThna mat yaad kar

    aan Tapkega koi aansu bhi is jhagDe ke bich

    sare aKHbaron mein dekhun haal apne burj ka

    ab mulaqat us se hogi kaun se hafte ke bich

    main ne 'anwar' is liye bandhi kalai par ghaDi

    waqt puchhenge kai mazdur bhi raste ke bich

    Source:

    • Book : ik daraicha ik chirag (Pg. 53)
    • Author : ANWAR MASOOD
    • Publication : Dost Publications (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY