kal zindagi ke KHwab ki tabir mil gai

kal zindagī ke ḳhvāb kī ta.abīr mil ga.ī

thī jis kī mujh ko justujū vo hiir mil ga.ī

apnī duā pe thā mujhe kuchh is qadar yaqīn

māñgī ḳhudā se jo vahī jāgīr mil ga.ī

jo log be-vaqār se phirte the shahr meñ

mere sabab se un ko bhī tauqīr mil ga.ī

barseñ vafā ke chāñd kī kirneñ kuchh is tarah

be-nūr āñganoñ ko bhī tanvīr mil ga.ī

qirtās-e-zindagānī pe dekhā jo ġhaur se

tujh jaisī hū-ba-hū koī tasvīr mil ga.ī

hāthoñ kī ulTī sīdhī lakīroñ ko dekh kar

vo shoḳh kah rahā thā ki tahrīr mil ga.ī

kal zindagi ke KHwab ki tabir mil gai

thi jis ki mujh ko justuju wo hir mil gai

apni dua pe tha mujhe kuchh is qadar yaqin

mangi KHuda se jo wahi jagir mil gai

jo log be-waqar se phirte the shahr mein

mere sabab se un ko bhi tauqir mil gai

barsen wafa ke chand ki kirnen kuchh is tarah

be-nur aanganon ko bhi tanwir mil gai

qirtas-e-zindagani pe dekha jo ghaur se

tujh jaisi hu-ba-hu koi taswir mil gai

hathon ki ulTi sidhi lakiron ko dekh kar

wo shoKH kah raha tha ki tahrir mil gai