kaliyon mein tazgi hai na KHushbu gulab mein
kaliyoñ meñ tāzgī hai na ḳhushbū gulāb meñ
pahlī sī raushnī kahāñ jām-e-sharāb meñ
pūchho na mujh se ishq-o-mohabbat ke silsile
lazzat sī mil rahī hai mujhe har azaab meñ
ye raaz jāntī na thī tāroñ kī raushnī
kitnā hasīn chāñd chhupā thā naqāb meñ
do kāñpte larazte laboñ kī navāzisheñ
lahrā ke Dhal ga.iiñ mire jām-e-sharāb meñ
ham haiñ gunāhgār magar is qadar nahīñ
jitne gunāh aa.e haiñ apne hisāb meñ
likkhī ga.ī jo mere hī ḳhvāboñ ke ḳhuun se
raahī mirā hī naam nahīñ us kitāb meñ
kaliyon mein tazgi hai na KHushbu gulab mein
pahli si raushni kahan jam-e-sharab mein
puchho na mujh se ishq-o-mohabbat ke silsile
lazzat si mil rahi hai mujhe har azab mein
ye raaz jaanti na thi taron ki raushni
kitna hasin chand chhupa tha naqab mein
do kanpte larazte labon ki nawazishen
lahra ke Dhal gain mere jam-e-sharab mein
hum hain gunahgar magar is qadar nahin
jitne gunah aae hain apne hisab mein
likkhi gai jo mere hi KHwabon ke KHun se
rahi mera hi nam nahin us kitab mein
Source:
Zakhm Ghunghat Dhoop (Pg. 77)
- Author: Sohan Rahi
-
- Edition: 1998
- Publisher: Educational Publishing House, Delhi
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
