kam-zarf bhi hai pi ke bahakta bhi bahut hai

Sajjad Baqar Rizvi

kam-zarf bhi hai pi ke bahakta bhi bahut hai

Sajjad Baqar Rizvi

MORE BYSajjad Baqar Rizvi

    kam-zarf bhī hai ke bahaktā bhī bahut hai

    bhartā bhī nahīñ aur chhalaktā bhī bahut hai

    allāh marzī to saḳhtī se hai pāband

    hākim razā ho to lachaktā bhī bahut hai

    kotāh-qadī kahtī hai khaTTe haiñ ye añgūr

    lekin gah-o-be-gāh lapaktā bhī bahut hai

    parvā hai na kuchh taal ne sur ḳhabar hai

    par saaz pe duniyā ke maTaktā bhī bahut hai

    shorīdgī baḌhtī hai dar-e-lailī-e-zar par

    dīvār pe ye sar ko paTaktā bhī bahut hai

    mahfil meñ to suniye havas-e-jāh pe taqrīr

    pahlū meñ yahī ḳhaar khaTaktā bhī bahut hai

    'bāqar' jo bhaTaktā hai ma.ānī ke safar meñ

    ho sūrat-e-zebā to aTaktā bhī bahut hai

    kam-zarf bhi hai pi ke bahakta bhi bahut hai

    bharta bhi nahin aur chhalakta bhi bahut hai

    allah ki marzi ka to saKHti se hai paband

    hakim ki raza ho to lachakta bhi bahut hai

    kotah-qadi kahti hai khaTTe hain ye angur

    lekin gah-o-be-gah lapakta bhi bahut hai

    parwa hai na kuchh tal ki ne sur ki KHabar hai

    par saz pe duniya ke maTakta bhi bahut hai

    shoridgi baDhti hai dar-e-laili-e-zar par

    diwar pe ye sar ko paTakta bhi bahut hai

    mahfil mein to suniye hawas-e-jah pe taqrir

    pahlu mein yahi KHar khaTakta bhi bahut hai

    'baqar' jo bhaTakta hai maani ke safar mein

    ho surat-e-zeba to aTakta bhi bahut hai

    Source:

    • Book : Kulliyat-e-Baqir (Pg. 272)
    • Author : Sajjad Baqir Rizvi
    • Publication : Sayyed Mohammad Ali Anjum Rizvi (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY