kaman pe chaDh ke ba-shakl-e-KHadang hona paDa

Zameer Atraulvi

kaman pe chaDh ke ba-shakl-e-KHadang hona paDa

Zameer Atraulvi

MORE BYZameer Atraulvi

    kamāñ pe chaḌh ke ba-shakl-e-ḳhadañg honā paḌā

    harīf-e-amn se masrūf-e-jañg honā paḌā

    yahāñ thī dushmanī insāñ se pyaar patthar se

    mujhe bhī āḳhirash ik roz sañg honā paḌā

    hasad aag meñ jal jal ke log marne lage

    mujhe sameT ke vus.at ko tañg honā paḌā

    rahā jo bar-sar-e-paikār meñ muqaddar se

    to us harīf ko hairān-o-dañg honā paḌā

    zamāna roz mirā zabt āzmātā thā

    mare mizāj ko yuuñ shola-rañg honā paḌā

    bahut ġhurūr thā pairāk hone jin ko

    unheñ 'zamīr' shikār-e-nahañg honā paḌā

    kaman pe chaDh ke ba-shakl-e-KHadang hona paDa

    harif-e-amn se masruf-e-jang hona paDa

    yahan thi dushmani insan se pyar patthar se

    mujhe bhi aaKHirash ek roz sang hona paDa

    hasad ki aag mein jal jal ke log marne lage

    mujhe sameT ke wusat ko tang hona paDa

    raha jo bar-sar-e-paikar mein muqaddar se

    to us harif ko hairan-o-dang hona paDa

    zamana roz mera zabt aazmata tha

    mare mizaj ko yun shola-rang hona paDa

    bahut ghurur tha pairak hone ka jin ko

    unhen 'zamir' shikar-e-nahang hona paDa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY