karta hai qatl-e-am wo aghyar ke liye

Momin Khan Momin

karta hai qatl-e-am wo aghyar ke liye

Momin Khan Momin

MORE BYMomin Khan Momin

    kartā hai qatl-e-ām vo aġhyār ke liye

    das biis roz marte haiñ do-chār ke liye

    dekhā azāb-e-ranj dil-e-zār ke liye

    āshiq hue haiñ vo mire āzār ke liye

    dil ishq terī nazr kiyā jaan kyūñki duuñ

    rakkhā hai us ko hasrat-e-dīdār ke liye

    qatl us ne jurm-e-sabr-e-jafā par kiyā mujhe

    ye sazā thī aise gunahgār ke liye

    le bhej de koī paiġhām-e-talḳh ab

    tajvīz zahr hai tire bīmār ke liye

    aatā nahīñ hai to nishānī bhej de

    taskīn-e-iztirāb-e-dil-e-zār ke liye

    kyā dil diyā thā is liye maiñ ne tumheñ ki tum

    ho jaao yuuñ adū mire aġhyār ke liye

    chalnā to dekhnā ki qayāmat ne bhī qadam

    tarz-e-ḳhirām o shoḳhī-e-raftār ke liye

    meñ hai motiyoñ laḌī us ko bhej duuñ

    iz.hār-e-hāl-e-chashm-e-guhar-bār ke liye

    detā huuñ apne lab ko bhī gul-barg se misāl

    bose jo ḳhvāb meñ tire ruḳhsār ke liye

    jiinā ummīd-e-vasl pe hijrāñ meñ sahl thā

    martā huuñ zindagānī-e-dushvār ke liye

    'momin' ko to na laa.e kahīñ daam meñ vo but

    DhūñDe hai tār-e-sub.ha ke zunnār ke liye

    karta hai qatl-e-am wo aghyar ke liye

    das bis roz marte hain do-chaar ke liye

    dekha azab-e-ranj dil-e-zar ke liye

    aashiq hue hain wo mere aazar ke liye

    dil ishq teri nazr kiya jaan kyunki dun

    rakkha hai us ko hasrat-e-didar ke liye

    qatl us ne jurm-e-sabr-e-jafa par kiya mujhe

    ye hi saza thi aise gunahgar ke liye

    le tu hi bhej de koi paigham-e-talKH ab

    tajwiz zahr hai tere bimar ke liye

    aata nahin hai tu to nishani hi bhej de

    taskin-e-iztirab-e-dil-e-zar ke liye

    kya dil diya tha is liye main ne tumhein ki tum

    ho jao yun adu mere aghyar ke liye

    chalna to dekhna ki qayamat ne bhi qadam

    tarz-e-KHiram o shoKHi-e-raftar ke liye

    ji mein hai motiyon ki laDi us ko bhej dun

    izhaar-e-haal-e-chashm-e-guhar-bar ke liye

    deta hun apne lab ko bhi gul-barg se misal

    bose jo KHwab mein tere ruKHsar ke liye

    jina ummid-e-wasl pe hijran mein sahl tha

    marta hun zindagani-e-dushwar ke liye

    'momin' ko to na lae kahin dam mein wo but

    DhunDe hai tar-e-subha ke zunnar ke liye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY