karte na hum jo ahl-e-watan apna ghar KHarab

Basir Sultan Kazmi

karte na hum jo ahl-e-watan apna ghar KHarab

Basir Sultan Kazmi

MORE BYBasir Sultan Kazmi

    karte na ham jo ahl-e-vatan apnā ghar ḳharāb

    hote na yuuñ hamāre javāñ dar-ba-dar ḳharāb

    a.amāl ko parakhtī hai duniyā ma.aal se

    achchhā na ho samar to hai goyā shajar ḳharāb

    ik baar jo utar gayā paTrī se dosto

    dekhā yahī ki phir vo huā umr bhar ḳharāb

    manzil to ik taraf rahī itnā zarūr hai

    ik dūsre ham ne kiyā hai safar ḳharāb

    hotī nahīñ vo puurī tarah phir kabhī bhī Thiik

    ho jaa.e ek baar koī chiiz gar ḳharāb

    ai dil mujhe patā hai ki laayā hai kahāñ

    chal ḳhud bhī ab ḳharāb ho mujh ko bhī kar ḳharāb

    is kārobār-e-ishq meñ aisī hai kyā kashish

    pahle pidar ḳharāb huā phir pisar ḳharāb

    ik din bhī āshiyāñ meñ na guzrā sukūn se

    karte rahe haiñ mujh ko mire bāl-o-par ḳharāb

    rah rah ke shab aatī hai ustād ye baat

    kartī hai ārzū-e-kamāl-e-hunar ḳharāb

    is tīra-ḳhāk-dāñ ke liye kyā bilā sabab

    sadiyoñ se ho rahe haiñ ye shams-o-qamar ḳharāb

    lagtā hai in ko zañg kisī aur rañg

    kis ne kahā ki hote nahīñ sīm-o-zar ḳharāb

    ik qadr-dāñ milā to ye sochā ki aaj tak

    hote rahe kahāñ mire la.al-o-gohar ḳharāb

    ḳhāmosh aur udaas ho 'bāsir' jo sub.h se

    aa.ī hai aaj phir koī ghar se ḳhabar ḳharāb

    karte na hum jo ahl-e-watan apna ghar KHarab

    hote na yun hamare jawan dar-ba-dar KHarab

    aamal ko parakhti hai duniya maal se

    achchha na ho samar to hai goya shajar KHarab

    ek bar jo utar gaya paTri se dosto

    dekha yahi ki phir wo hua umr bhar KHarab

    manzil to ek taraf rahi itna zarur hai

    ek dusre ka hum ne kiya hai safar KHarab

    hoti nahin wo puri tarah phir kabhi bhi Thik

    ho jae ek bar koi chiz gar KHarab

    ai dil mujhe pata hai ki laya hai tu kahan

    chal KHud bhi ab KHarab ho mujh ko bhi kar KHarab

    is karobar-e-ishq mein aisi hai kya kashish

    pahle pidar KHarab hua phir pisar KHarab

    ek din bhi aashiyan mein na guzra sukun se

    karte rahe hain mujh ko mere baal-o-par KHarab

    rah rah ke shab aati hai ustad ki ye baat

    karti hai aarzu-e-kamal-e-hunar KHarab

    is tira-KHak-dan ke liye kya bila sabab

    sadiyon se ho rahe hain ye shams-o-qamar KHarab

    lagta hai in ko zang kisi aur rang ka

    kis ne kaha ki hote nahin sim-o-zar KHarab

    ek qadr-dan mila to ye socha ki aaj tak

    hote rahe kahan mere lal-o-gohar KHarab

    KHamosh aur udas ho 'basir' jo subh se

    aai hai aaj phir koi ghar se KHabar KHarab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY