کروں کیا سخت مشکل آ پڑی ہے
مری دہلیز پر چاہت کھڑی ہے
مقام ضبط ہے اے دل سنبھلنا
جدائی کی گھڑی سر پر کھڑی ہے
رسائی کب دلوں تک پا سکی وہ
محبت جو کتابوں میں پڑی ہے
شکستہ ہیں مرے اعصاب یوں بھی
انا سے جنگ اک مدت لڑی ہے
کئی دن سے برہنہ میرے دل میں
تعلق کی کوئی میت پڑی ہے
اسے ملنا بھی ہے قید مسلسل
جدائی کی بھی اپنی ہتھکڑی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
