kaT gaya rishtha-e-ulfat jo tera nam aaya

kaT gayā rishtha-e-ulfat jo tirā naam aayā

dil vafādār thā lekin na mire kaam aayā

ishq ke hāthoñ charāġh ek sar-e-shām aayā

tīra-baḳhtī meñ mirā dil hī mire kaam aayā

talab-e-mulk-e-adam se na jahāñ dekh sakā

abhī manzil pe na utrā thā ki paiġhām aayā

nāzish-e-dahr na thā maiñ to pas-e-murdan kyuuñ

mahfil-e-ġhair meñ sau baar mirā naam aayā

sham.a roī to vo kuchh der sahī turbat par

ḳhair koī to zamāne meñ mire kaam aayā

kaT gaya rishtha-e-ulfat jo tera nam aaya

dil wafadar tha lekin na mere kaam aaya

ishq ke hathon charagh ek sar-e-sham aaya

tira-baKHti mein mera dil hi mere kaam aaya

talab-e-mulk-e-adam se na jahan dekh saka

abhi manzil pe na utra tha ki paigham aaya

nazish-e-dahr na tha main to pas-e-murdan kyun

mahfil-e-ghair mein sau bar mera nam aaya

shama roi to wo kuchh der sahi turbat par

KHair koi to zamane mein mere kaam aaya