کون ہے بچ گیا جو الفت سے
کون ہے بچ گیا جو الفت سے
اب خدا ہی بچائے تہمت سے
ہو گئی ہے ہوا بھی زہریلی
لے نہیں سکتے سانس راحت سے
تم مرے سامنے رہو کچھ وقت
آنکھ بھر دیکھ لوں محبت سے
تو مری دلبری بھی دیکھے گا
آ کبھی مجھ کو ملنے فرصت سے
مدتوں ساتھ وہ رہا میرے
کچھ بدلتا نہیں ہے صحبت سے
بانٹتے ہیں محبتیں ہر سمت
اپنی بنتی نہیں عداوت سے
ان سے نسبت رکھا کریں افضلؔ
سنت ملتے ہیں اب غنیمت سے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.