kaun kahta hai ki wo bhulta jata hai mujhe
kaun kahtā hai ki vo bhūltā jaatā hai mujhe
apnā chehra na sahī rah to dikhātā hai mujhe
sub.h ke saath maiñ kho jaatā huuñ bachche kī tarah
shaam hote hī koī DhūñD ke laatā hai mujhe
aap kuchh aur batāte haiñ mire baare meñ
aa.ina aur koī shakl dikhātā hai mujhe
aaj ik 'umr meñ ye bhed khulā hai mujh par
vo koī aur nahīñ hai jo Darātā hai mujhe
sard-mehrī meñ ye sūraj bhī hai tere jaisā
duur hī duur se jo dekhtā jaatā hai mujhe
ye na maiñ huuñ na havā hai na qazā hai 'tābish'
mere lahje meñ koī aur bulātā hai mujhe
kaun kahta hai ki wo bhulta jata hai mujhe
apna chehra na sahi rah to dikhata hai mujhe
subh ke sath main kho jata hun bachche ki tarah
sham hote hi koi DhunD ke lata hai mujhe
aap kuchh aur batate hain mere bare mein
aaina aur koi shakl dikhata hai mujhe
aaj ek 'umr mein ye bhed khula hai mujh par
wo koi aur nahin hai jo Daraata hai mujhe
sard-mehri mein ye suraj bhi hai tere jaisa
dur hi dur se jo dekhta jata hai mujhe
ye na main hun na hawa hai na qaza hai 'tabish'
mere lahje mein koi aur bulata hai mujhe
- Book : Agar Main Sher Na Kahta (Pg. 80)
- Author :Abbas Tabish
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
