kaun le kis ki KHabar kho gae sannaTe mein

kaun le kis kī ḳhabar kho ga.e sannāTe meñ

ham idhar aap udhar kho ga.e sannāTe meñ

terī bātoñ kā asar kho ga.e sannāTe meñ

ham na sun paa.e magar kho ga.e sannāTe meñ

tīrgī aisī ki gum ho ke na ham ḳhud ko mile

koī dīvār na dar kho ga.e sannāTe meñ

ek hasrat thī ki ham tum se mileñ baat kareñ

dekh ke tum ko magar kho ga.e sannāTe meñ

zindagī apnī har ik gaam pe lagtī hai sarāb

uf ye sahrā kā safar kho ga.e sannāTe meñ

ye zamāna to nahīñ dād-o-dahish kā ai 'vaqār'

rah ga.e apne hunar kho ga.e sannāTe meñ

kaun le kis ki KHabar kho gae sannaTe mein

hum idhar aap udhar kho gae sannaTe mein

teri baaton ka asar kho gae sannaTe mein

hum na sun pae magar kho gae sannaTe mein

tirgi aisi ki gum ho ke na hum KHud ko mile

koi diwar na dar kho gae sannaTe mein

ek hasrat thi ki hum tum se milen baat karen

dekh ke tum ko magar kho gae sannaTe mein

zindagi apni har ek gam pe lagti hai sarab

uf ye sahra ka safar kho gae sannaTe mein

ye zamana to nahin dad-o-dahish ka ai 'waqar'

rah gae apne hunar kho gae sannaTe mein