kaun samjhega aah-o-fughan kaun hai
kaun samjhegā āh-o-fuġhāñ kaun hai
is chaman meñ mirā ham-zabāñ kaun hai
kis se ummīd-e-dād-e-suḳhan maiñ rakhūñ
ahl-e-fan meñ mirā qadr-dāñ kaun hai
jis ke bhī haath aayā nizām-e-chaman
sab ne luuTā chaman pāsbāñ kaun hai
merī āñkhoñ se ḳhud ko to dekho zarā
tum se baḌh kar hasīñ aur javāñ kaun hai
aap kī kāmyābī pe 'ġhaibī' yahāñ
shādmāñ haiñ sabhī bad-gumāñ kaun hai
kaun samjhega aah-o-fughan kaun hai
is chaman mein mera ham-zaban kaun hai
kis se ummid-e-dad-e-suKHan main rakhun
ahl-e-fan mein mera qadr-dan kaun hai
jis ke bhi hath aaya nizam-e-chaman
sab ne luTa chaman pasban kaun hai
meri aankhon se KHud ko to dekho zara
tum se baDh kar hasin aur jawan kaun hai
aap ki kaamyabi pe 'ghaibi' yahan
shadman hain sabhi bad-guman kaun hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
