خاک صحراؤں میں اڑانے کا
کیا عجب شوق ہے دوانے کا
ایک لا منتہائی رشتہ ہے
تیری زلفوں سے میرے شانے کا
پا لیا ہے کسی طرح جو اسے
خوف رہنے لگا گنوانے کا
کیا بھگتنا پڑا ہے خمیازہ
اس خرابے سے دل لگانے کا
آنکھ پتھر ہوئی ہے رستوں پر
انتظار اور تیرے آنے کا
اب بہانہ تلاش کرتا ہوں
تیری صورت کو بھول جانے کا
نورؔ انسان شاہکار ہوا
قدرت حق کے کارخانے کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
