KHamosh andheri raaton mein jab sari duniya suti hai

Talib Baghpati

KHamosh andheri raaton mein jab sari duniya suti hai

Talib Baghpati

MORE BYTalib Baghpati

    Interesting Fact

    April 1927

    ḳhāmosh añdherī rātoñ meñ jab saarī duniyā suutī hai

    ik hijr maarā rotā hai aur shabnam aañsū dhotī hai

    pahle to mohabbat rafta rafta hosh-o-ḳhirad ko khotī hai

    phir yaad kisī aa aa kar kāñTe se dil meñ chubhotī hai

    kuchh sochtā huuñ kuchh kahtā huuñ kuchh kahte haiñ kuchh suntā huuñ

    jab un ke sāmne hotā huuñ merī ye hālat hotī hai

    chāragar bas ye batlā de vo jab mujh se chhū jaate haiñ

    kyuuñ jism meñ maujeñ uThtī haiñ kyuuñ nabz meñ sur.at hotī hai

    sab kahte haiñ maiñ dīvāna huuñ haiñ kahtā huuñ sab dīvāne haiñ

    maiñ duniyā-bhar par hañstā huuñ duniyā-bhar mujh par rotī hai

    jab chāñd ufuq par hotā hai aur taare jhilmil karte haiñ

    āñkhoñ meñ kisī bholī bholī shakl samā.ī hotī hai

    ummīd se rishta TuuT gayā tum kyā chhūTe dil chhūT gayā

    armānoñ baḌhtī khetī ko sail-e-yās Dubotī hai

    dil ek na ik din jaanā thā ye din bhī āḳhir aanā thā

    'tālib' tum is ġham na karo ye chiiz parā.ī hotī hai

    KHamosh andheri raaton mein jab sari duniya suti hai

    ek hijr ka mara rota hai aur shabnam aansu dhoti hai

    pahle to mohabbat rafta rafta hosh-o-KHirad ko khoti hai

    phir yaad kisi ki aa aa kar kanTe se dil mein chubhoti hai

    kuchh sochta hun kuchh kahta hun kuchh kahte hain kuchh sunta hun

    jab un ke samne hota hun meri ye haalat hoti hai

    chaaragar bas ye batla de wo jab mujh se chhu jate hain

    kyun jism mein maujen uThti hain kyun nabz mein surat hoti hai

    sab kahte hain main diwana hun hain kahta hun sab diwane hain

    main duniya-bhar par hansta hun duniya-bhar mujh par roti hai

    jab chand ufuq par hota hai aur tare jhilmil karte hain

    aankhon mein kisi ki bholi bholi shakl samai hoti hai

    ummid se rishta TuT gaya tum kya chhuTe dil chhuT gaya

    armanon ki baDhti kheti ko sail-e-yas Duboti hai

    dil ek na ek din jaana tha ye din bhi aaKHir aana tha

    'talib' tum is ka gham na karo ye chiz parai hoti hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now