KHamosh hain lab aur aankhon se aansu hain ki paiham bahte hain

Jalaluddin Akbar

KHamosh hain lab aur aankhon se aansu hain ki paiham bahte hain

Jalaluddin Akbar

MORE BYJalaluddin Akbar

    ḳhāmosh haiñ lab aur āñkhoñ se aañsū haiñ ki paiham bahte haiñ

    ham sāmne un ke baiThe haiñ aur qissa-e-furqat kahte haiñ

    ab husn-o-ishq meñ farq nahīñ ab donoñ ik hālat hai

    maiñ un ko dekhtā rahtā huuñ vo mujh ko dekhte rahte haiñ

    un vo hayā vo ḳhāmoshī apnī vo mohabbat nazreñ

    vo sunñe ko sab kuchh sunte haiñ ham kahne ko sab kuchh kahte haiñ

    is shauq-e-farāvāñ yārab āḳhir koī had bhī hai ki nahīñ

    inkār kareñ vo va.ada ham rāsta dekhte rahte haiñ

    hamdard nahīñ hamrāz nahīñ kis se kahiye kyuuñ kar kahiye

    jo dil pe guzartī rahtī hai jo jaan pe sadme sahte haiñ

    aa dekh ki zālim furqat meñ kyā haal mirā behāl huā

    aahoñ se sharāre jhaḌte haiñ āñkhoñ se dariyā bahte haiñ

    'akbar' shāyad dil kho baiThe vo jalse vo ahbāb nahīñ

    tanhā ḳhāmosh se phirte haiñ har vaqt udaas se rahte haiñ

    KHamosh hain lab aur aankhon se aansu hain ki paiham bahte hain

    hum samne un ke baiThe hain aur qissa-e-furqat kahte hain

    ab husn-o-ishq mein farq nahin ab donon ki ek haalat hai

    main un ko dekhta rahta hun wo mujh ko dekhte rahte hain

    un ki wo haya wo KHamoshi apni wo mohabbat ki nazren

    wo sunne ko sab kuchh sunte hain hum kahne ko sab kuchh kahte hain

    is shauq-e-farawan ki yarab aaKHir koi had bhi hai ki nahin

    inkar karen wo ya wada hum rasta dekhte rahte hain

    hamdard nahin hamraaz nahin kis se kahiye kyun kar kahiye

    jo dil pe guzarti rahti hai jo jaan pe sadme sahte hain

    aa dekh ki zalim furqat mein kya haal mera behaal hua

    aahon se sharare jhaDte hain aankhon se dariya bahte hain

    'akbar' shayad dil kho baiThe wo jalse wo ahbab nahin

    tanha KHamosh se phirte hain har waqt udas se rahte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY