KHamosh hun main lab pe shikayat to nahin hai

Sabeela Inam Siddiqui

KHamosh hun main lab pe shikayat to nahin hai

Sabeela Inam Siddiqui

MORE BYSabeela Inam Siddiqui

    ḳhāmosh huuñ maiñ lab pe shikāyat to nahīñ hai

    fariyād karūñ ye mirī aadat to nahīñ hai

    jo mauj-e-ġham-o-dard uThī hai mire dil meñ

    hañgāma to be-shak hai qayāmat to nahīñ hai

    shāyad mujhe mil jaa.e mire dard darmāñ

    ummīd sahī chain hālat to nahīñ hai

    fursat meñ mujhe yaad bhī kar lījiye ik din

    ye arz mohabbat alāmat to nahīñ hai

    mil jaa.e sar-e-rāh kisī moḌ pe koī

    ik hādsa be-shak hai rifāqat to nahīñ hai

    insāf jise haq taraf-dār kaheñ sab

    is mulk meñ qaa.em vo adālat to nahīñ hai

    kyuuñ ghar se nikalte hue Darte haiñ yahāñ log

    is shahr meñ qānūn-e-hifāzat to nahīñ hai

    allāh razā par tirī raazī rahūñgī

    ho shikva zabāñ par ye jasārat to nahīñ hai

    ābād rahā dil meñ vahī ek 'sabīla'

    ab ġhair ko aane ijāzat to nahīñ hai

    KHamosh hun main lab pe shikayat to nahin hai

    fariyaad karun ye meri aadat to nahin hai

    jo mauj-e-gham-o-dard uThi hai mere dil mein

    hangama to be-shak hai qayamat to nahin hai

    shayad mujhe mil jae mere dard ka darman

    ummid sahi chain ki haalat to nahin hai

    fursat mein mujhe yaad bhi kar lijiye ek din

    ye arz mohabbat ki alamat to nahin hai

    mil jae sar-e-rah kisi moD pe koi

    ek hadsa be-shak hai rifaqat to nahin hai

    insaf jise haq ka taraf-dar kahen sab

    is mulk mein qaem wo adalat to nahin hai

    kyun ghar se nikalte hue Darte hain yahan log

    is shahr mein qanun-e-hifazat to nahin hai

    allah raza par teri raazi hi rahungi

    ho shikwa zaban par ye jasarat to nahin hai

    aabaad raha dil mein wahi ek 'sabila'

    ab ghair ko aane ki ijazat to nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY