KHafa hai gar ye KHudai to fikr hi kya hai

Hafeez Banarasi

KHafa hai gar ye KHudai to fikr hi kya hai

Hafeez Banarasi

MORE BYHafeez Banarasi

    ḳhafā hai gar ye ḳhudā.ī to fikr kyā hai

    tirī nigāh salāmat mujhe kamī kyā hai

    bas ik tajallī-e-rañgīñ bas ik tabassum-e-nāz

    riyāz-e-dahr meñ phūloñ zindagī kyā hai

    ḳhudā-rasīda sahī laakh barguzīda sahī

    jo aadmī ko na samjhe vo aadmī kyā hai

    abas ye mashq-e-rukū-o-sujūd hai yaaro

    agar pata nahīñ mafhūm-e-bandagī kyā hai

    kahīñ ye lutf-o-ināyat ibtidā to nahīñ

    tumhīñ batāo ye andāz-e-barhamī kyā hai

    diloñ ke taar jo chhū le vahī hai sher 'hafīz'

    agar ye baat nahīñ hai to shā.irī kyā hai

    KHafa hai gar ye KHudai to fikr hi kya hai

    teri nigah salamat mujhe kami kya hai

    bas ek tajalli-e-rangin bas ek tabassum-e-naz

    riyaz-e-dahr mein phulon ki zindagi kya hai

    KHuda-rasida sahi lakh barguzida sahi

    jo aadmi ko na samjhe wo aadmi kya hai

    abas ye mashq-e-ruku-o-sujud hai yaro

    agar pata nahin mafhum-e-bandagi kya hai

    kahin ye lutf-o-inayat ki ibtida to nahin

    tumhin batao ye andaz-e-barhami kya hai

    dilon ke tar jo chhu le wahi hai sher 'hafiz'

    agar ye baat nahin hai to shairi kya hai

    Source :
    • Book : Safeer-e-shar-e-dil (Pg. 47)
    • Author : Hafeez Banarsi
    • Publication : Hafeez Banarsi (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY