KHarab-haal hun har haal mein KHarab raha

ḳharāb-hāl huuñ har haal meñ ḳharāb rahā

ḳhushī meñ bhī ġham-e-dil kā sā iztirāb rahā

nazāra-e-ruḳh-e-zebā kī yaañ kise fursat

naqāb ruḳh pe rahī yā vo be-naqāb rahā

tarab kī bazm meñ jā kar karegā kyā koī

na vo piyāla na vo mai na vo shabāb rahā

navā-e-shauq nikaltī hai ab bhī dil se magar

na vo upaj na vo mahfil na vo rabāb rahā

har ek chiiz kī duniyā meñ had muqarrar hai

magar ye rañj zamāna kā be-hisāb rahā

ḳhayāl-o-ḳhvāb masarrat kī ik tavaqqo.a par

tamām-umr mujhe intizār-e-ḳhvāb rahā

KHarab-haal hun har haal mein KHarab raha

KHushi mein bhi gham-e-dil ka sa iztirab raha

nazara-e-ruKH-e-zeba ki yan kise fursat

naqab ruKH pe rahi ya wo be-naqab raha

tarab ki bazm mein ja kar karega kya koi

na wo piyala na wo mai na wo shabab raha

nawa-e-shauq nikalti hai ab bhi dil se magar

na wo upaj na wo mahfil na wo rabab raha

har ek chiz ki duniya mein had muqarrar hai

magar ye ranj zamana ka be-hisab raha

KHayal-o-KHwab masarrat ki ek tawaqqoa par

tamam-umr mujhe intizar-e-KHwab raha