KHauf ek dil mein samaya laraz uTTha kaghaz

Shauq Bahraichi

KHauf ek dil mein samaya laraz uTTha kaghaz

Shauq Bahraichi

MORE BYShauq Bahraichi

    ḳhauf ik dil meñ samāyā laraz uTThā kāġhaz

    kāñpte hāthoñ se zālim ne jo moḌā kāġhaz

    na to niilā na to piilā na to ujlā kāġhaz

    chāhiye un ke talavvun ko tirañgā kāġhaz

    safha-e-dil pe nazar aate haiñ ab daaġh daaġh

    god Daalā kisī kambaḳht ne saarā kāġhaz

    bāġhbāñ ke sitam-o-jaur jo likhte baiThe

    lag gayā ram ram aur dasta dasta kāġhaz

    jab bhī vo baiThte haiñ likhne ko iqrār-e-vafā

    gaañv bhar meñ kahīñ miltā nahīñ purza kāġhaz

    un ke hāthoñ meñ qalam-dān-e-hidāyat ab hai

    jo nahīñ jānte sīdhā hai ki ulTā kāġhaz

    kyā kahe un ke taḳhayyul diyānat koī

    jaise dekhā hai kabhī baañs moTā kāġhaz

    zulm Dhā kar bhī abhī tak hai koī be-taqsīr

    roz likhne pe bhī hai saade saada kāġhaz

    dāstāñ gesu-e-pechāñ jo likhne baiThe

    fountain-pen meñ hamāre bahut uljhā kāġhaz

    dam-e-tahrīr na zāhir ho kahīñ dil ġhubār

    dekhiye hone na paa.e kahīñ mailā kāġhaz

    bhejnā hai mujhe ik māh-jabīñ ḳhat-e-shauq

    'shauq'-sāhab kahīñ miltā nahīñ baḌhiyā kāġhaz

    KHauf ek dil mein samaya laraz uTTha kaghaz

    kanpte hathon se zalim ne jo moDa kaghaz

    na to nila na to pila na to ujla kaghaz

    chahiye un ke talawwun ko tiranga kaghaz

    safha-e-dil pe nazar aate hain ab dagh hi dagh

    god Dala kisi kambaKHt ne sara kaghaz

    baghban ke sitam-o-jaur jo likhte baiThe

    lag gaya ram ka ram aur dasta ka dasta kaghaz

    jab bhi wo baiThte hain likhne ko iqrar-e-wafa

    ganw bhar mein kahin milta nahin purza kaghaz

    un ke hathon mein qalam-dan-e-hidayat ab hai

    jo nahin jaante sidha hai ki ulTa kaghaz

    kya kahe un ke taKHayyul ki diyanat koi

    jaise dekha hai kabhi bans ka moTa kaghaz

    zulm Dha kar bhi abhi tak hai koi be-taqsir

    roz likhne pe bhi hai sade ka sada kaghaz

    dastan gesu-e-pechan ki jo likhne baiThe

    fountain-pen mein hamare bahut uljha kaghaz

    dam-e-tahrir na zahir ho kahin dil ka ghubar

    dekhiye hone na pae kahin maila kaghaz

    bhejna hai mujhe ek mah-jabin ka KHat-e-shauq

    'shauq'-sahab kahin milta nahin baDhiya kaghaz

    Source :
    • Book : intekhab-e-kalam shauq bahraichi (Pg. 62)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now