KHayal aatishin KHwabida suraten di hain

ḳhayāl ātishīñ ḳhvābīda sūrateñ dī haiñ

saḳhā-e-hijr ne ab bhī numā.isheñ dī haiñ

ye ab jo ḳhvāb zamānoñ ne dastakeñ dī haiñ

pas-e-murād haqā.eq kī manzileñ dī haiñ

mire libās ke paivand-e-muflisī pe na jā

mire junūñ ne mohabbat ko ḳhil.ateñ dī haiñ

mire mizāj kā mausam ajiib mausam hai

ki jis ke ġham ne bhī hastī ko raunaqeñ dī haiñ

ham ahl-e-ishq ne tāvān rāhateñ de kar

hudūd-e-arsa-e-vahshat ko vus.ateñ dī haiñ

chalo ye baat ġhalat hai to phir batāo mujhe

har ek haath meñ kis kis ne mish.aleñ dī haiñ

shu.ūr jaa.e to fursat se niiñd bhī aa.e

fishār-e-zāt ne 'farhat' ko ranjisheñ dī haiñ

KHayal aatishin KHwabida suraten di hain

saKHa-e-hijr ne ab bhi numaishen di hain

ye ab jo KHwab zamanon ne dastaken di hain

pas-e-murad haqaeq ki manzilen di hain

mere libas ke paiwand-e-muflisi pe na ja

mere junun ne mohabbat ko KHilaten di hain

mere mizaj ka mausam ajib mausam hai

ki jis ke gham ne bhi hasti ko raunaqen di hain

hum ahl-e-ishq ne tawan rahaten de kar

hudud-e-arsa-e-wahshat ko wusaten di hain

chalo ye baat ghalat hai to phir batao mujhe

har ek hath mein kis kis ne mishalen di hain

shuur jae to fursat se nind bhi aae

fishaar-e-zat ne 'farhat' ko ranjishen di hain