KHayal aaya to ro paDega bas ek fasana hua karenge

ḳhayāl aayā to ro paḌegā bas ik fasāna huā kareñge

agar ham ik martaba uThe to kahāñ tujhe phir milā kareñge

savāl ham par uThā kareñge ham aise mazlūm kyā kareñge

har ek dar par jhukā kareñge sabhī butoñ ko ḳhudā kareñge

ye ḳhushk nazreñ jinheñ zamāna ujaaḌ sahrā samajh rahā hai

kabhī nazar bhar ke dekho in meñ ka.ī samundar dikhā kareñge

hamāre siine kī aag hai jis kī raushnī meñ tū chal rahā hai

tujhe ḳhabar bhī na ho sakegī tire hī andar jiyā kareñge

na jaane kaisī ye tishnagī hai jahāñ na thī ret bhī mayassar

vahīñ pe dariyā sā kuchh dikhā hai usī kī jānib chalā kareñge

vo zindagī jo kabhī hamārī thī aur ab merī bhī nahīñ hai

use basar kis qadar hai karnā milo kabhī mashvara kareñge

ka.ī marāsim haiñ tujh se pyāre mohabbateñ bhī adāvateñ bhī

tujhī ko kosā kareñge aksar tire hī haq meñ duā kareñge

KHayal aaya to ro paDega bas ek fasana hua karenge

agar hum ek martaba uThe to kahan tujhe phir mila karenge

sawal hum par uTha karenge hum aise mazlum kya karenge

har ek dar par jhuka karenge sabhi buton ko KHuda karenge

ye KHushk nazren jinhen zamana ujaD sahra samajh raha hai

kabhi nazar bhar ke dekho in mein kai samundar dikha karenge

hamare sine ki aag hai jis ki raushni mein tu chal raha hai

tujhe KHabar bhi na ho sakegi tere hi andar jiya karenge

na jaane kaisi ye tishnagi hai jahan na thi ret bhi mayassar

wahin pe dariya sa kuchh dikha hai usi ki jaanib chala karenge

wo zindagi jo kabhi hamari thi aur ab meri bhi nahin hai

use basar kis qadar hai karna milo kabhi mashwara karenge

kai marasim hain tujh se pyare mohabbaten bhi adawaten bhi

tujhi ko kosa karenge aksar tere hi haq mein dua karenge