خیال و خواب ہوئی ہیں محبتیں کیسی

عبید اللہ علیم

خیال و خواب ہوئی ہیں محبتیں کیسی

عبید اللہ علیم

MORE BYعبید اللہ علیم

    خیال و خواب ہوئی ہیں محبتیں کیسی

    لہو میں ناچ رہی ہیں یہ وحشتیں کیسی

    نہ شب کو چاند ہی اچھا نہ دن کو مہر اچھا

    یہ ہم پہ بیت رہی ہیں قیامتیں کیسی

    وہ ساتھ تھا تو خدا بھی تھا مہرباں کیا کیا

    بچھڑ گیا تو ہوئی ہیں عداوتیں کیسی

    عذاب جن کا تبسم ثواب جن کی نگاہ

    کھنچی ہوئی ہیں پس جاں یہ صورتیں کیسی

    ہوا کے دوش پہ رکھے ہوئے چراغ ہیں ہم

    جو بجھ گئے تو ہوا سے شکایتیں کیسی

    جو بے خبر کوئی گزرا تو یہ صدا دے دی

    میں سنگ راہ ہوں مجھ پر عنایتیں کیسی

    نہیں کہ حسن ہی نیرنگیوں میں طاق نہیں

    جنوں بھی کھیل رہا ہے سیاستیں کیسی

    نہ صاحبان جنوں ہیں نہ اہل کشف و کمال

    ہمارے عہد میں آئیں کثافتیں کیسی

    جو ابر ہے وہی اب سنگ و خشت لاتا ہے

    فضا یہ ہو تو دلوں میں نزاکتیں کیسی

    یہ دور بے ہنراں ہے بچا رکھو خود کو

    یہاں صداقتیں کیسی کرامتیں کیسی

    ویڈیو
    This video is playing from YouTube

    Videos
    This video is playing from YouTube

    عبید اللہ علیم

    عبید اللہ علیم

    رنا لیلیٰ

    رنا لیلیٰ

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY