KHayalon mein tera aana koi aana nahin phir bhi

ḳhayāloñ meñ tirā aanā koī aanā nahīñ phir bhī

huā jaatā hai mausam mere andar kā hasīñ phir bhī

mirā dil hai ki jangal meñ koī bhaTkā huā jogī

use maiñ roktā to huuñ vo jaatā hai kahīñ phir bhī

tirī parvāz ho kitnī hī ūñchī āsmānoñ meñ

sukūñ ke vāste to chāhiye do gaz zamīñ phir bhī

use mujh par yaqīñ kyoñ hai mire andar kamī kyoñ hai

maiñ us ko chhoḌ aayā huuñ khaḌā hai vo vahīñ phir bhī

falak par jo nahīñ Tikte vo taare TuuT jaate haiñ

ḳharāba in sitāroñ kā uThātī hai zamīñ phir bhī

mire hāthoñ se dāman khīñchne vaale tū kyā jaane

churā lī hai tire dāman se musht-e-'ambarīñ phir bhī

KHayalon mein tera aana koi aana nahin phir bhi

hua jata hai mausam mere andar ka hasin phir bhi

mera dil hai ki jangal mein koi bhaTka hua jogi

use main rokta to hun wo jata hai kahin phir bhi

teri parwaz ho kitni hi unchi aasmanon mein

sukun ke waste to chahiye do gaz zamin phir bhi

use mujh par yaqin kyon hai mere andar kami kyon hai

main us ko chhoD aaya hun khaDa hai wo wahin phir bhi

falak par jo nahin Tikte wo tare TuT jate hain

KHaraba in sitaron ka uThati hai zamin phir bhi

mere hathon se daman khinchne wale tu kya jaane

chura li hai tere daman se musht-e-'ambarin phir bhi