خیمۂ صبر کے لوگوں کو سزا دی گئی ہے

خیمۂ صبر کے لوگوں کو سزا دی گئی ہے

عمر امید سحر اور بڑھا دی گئی ہے

شب دیجور میں کرنے کو نہیں تھا کچھ سو

آگ سے چاند کہ تصویر بنا دی گئی ہے

پیڑ غم ناک کھڑے ہیں یہ سبھی سے سن کر

سوکھے پتوں کو کہیں آگ لگا دی گئی ہے

شور گریہ ہے بپا نم بھی نہیں ہیں آنکھیں

وہ جو رونے کی سہولت تھی ہٹا دی گئی ہے

رقص خاموشی ہوا تو ہے یہاں پر کھل کر

جو بھی آواز اٹھی تھی وہ دبا دی گئی ہے

تیری دنیا میں بھی خوشیوں کی ہو بارش ہر دم

پیاسی آنکھوں سے کسی کو یہ دعا دی گئی ہے