KHizan ka daur hai mausam ko KHush-gawar na kar

ḳhizāñ kā daur hai mausam ko ḳhush-gavār na kar

ham ahl-e-hijr haiñ ham se tū zikr-e-yār na kar

bas ek maiñ hī bachā huuñ safar meñ saath tire

so tujh ko chāra bhī kyā hai jo e'tibār na kar

havā-e-shām tū aise na chheḌ tang na kar

badan se yuuñ na lipaT mujh ko be-qarār na kar

yaqīn chāhtā huuñ ab ke terī baat pe maiñ

so mujh se milne kā vā'da yuuñ baar baar na kar

tujhe akelā na kar de ga.ī rutoñ kā malāl

yahī kahūñgā musāfir kā intizār na kar

KHizan ka daur hai mausam ko KHush-gawar na kar

hum ahl-e-hijr hain hum se tu zikr-e-yar na kar

bas ek main hi bacha hun safar mein sath tere

so tujh ko chaara bhi kya hai jo e'tibar na kar

hawa-e-sham tu aise na chheD tang na kar

badan se yun na lipaT mujh ko be-qarar na kar

yaqin chahta hun ab ke teri baat pe main

so mujh se milne ka wa'da yun bar bar na kar

tujhe akela na kar de gai ruton ka malal

yahi kahunga musafir ka intizar na kar