KHizar kya hum to is jine mein bazi sab se jite hain

Shad Azimabadi

KHizar kya hum to is jine mein bazi sab se jite hain

Shad Azimabadi

MORE BYShad Azimabadi

    ḳhizar kyā ham to is jiine meñ baazī sab se jiite haiñ

    dam ab uktā gayā allāhu-akbar kab se jiite haiñ

    samajh le qāsidoñ ne kuchh to aisī ḳhabar hai

    kaheñ kyā tujh se ai nāseh ki jis matlab se jiite haiñ

    kisī hālat na ham se baḌh sakegī raat furqat

    ki ham baazī siyah-baḳhtī meñ bhī is shab se jiite haiñ

    dam apnā ghuT ke kab hijr-e-jānāñ meñ nikal jaatā

    madad-gārī-e-shor-e-na.ara-e-yārab se jiite haiñ

    ise bāvar kar ai ġham-ḳhvār kab ke mar ga.e hote

    payām-e-vasl jab se sun liyā hai tab se jiite haiñ

    zabāñ qaabū meñ hai sunñe ko tashbīheñ sune jaao

    nazākat meñ kahāñ aurāq-e-gul us lab se jiite haiñ

    abas daryāft karte ho sabab is saḳht-jānī

    ḳhudā jaane ki ham ai 'shād' kis matlab se jiite haiñ

    KHizar kya hum to is jine mein bazi sab se jite hain

    dam ab ukta gaya allahu-akbar kab se jite hain

    samajh le qasidon ne kuchh to aisi hi KHabar di hai

    kahen kya tujh se ai naseh ki jis matlab se jite hain

    kisi haalat na hum se baDh sakegi raat furqat ki

    ki hum bazi siyah-baKHti mein bhi is shab se jite hain

    dam apna ghuT ke kab ka hijr-e-jaanan mein nikal jata

    madad-gari-e-shor-e-nara-e-yarab se jite hain

    ise bawar kar ai gham-KHwar kab ke mar gae hote

    payam-e-wasl jab se sun liya hai tab se jite hain

    zaban qabu mein hai sunne ko tashbihen sune jao

    nazakat mein kahan auraq-e-gul us lab se jite hain

    abas daryaft karte ho sabab is saKHt-jaani ka

    KHuda jaane ki hum ai 'shad' kis matlab se jite hain

    Source :
    • Book : Dewan-e-shad Azimabadi (Pg. 225)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY