aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

khoe na kis tarah se tera eatibar jhuT

Alamgir Khan Kaif

khoe na kis tarah se tera eatibar jhuT

Alamgir Khan Kaif

MORE BYAlamgir Khan Kaif

    kho.e na kis tarah se tirā e.atibār jhuuT

    ik sach agar zabān pe hai to hazār chhūT

    kartā hai aadmī ko bahut be-vaqār jhuuT

    chhuḌvā de mujh se ai mire parvardigār jhuuT

    haq haq na kis tarah se kahūñ un se hāl-e-dil

    sach to e.atibār nahīñ darkinār jhuuT

    chhuptā hai us sanam se kahīñ ishq-e-sāḳhta

    iisā se koī ḳhaak batā.e buḳhār jhuuT

    maiñ naqsh-e-pā-e-ġhair ko pahchāntā huuñ ḳhuub

    khaao na mere sar qasam ai nigār jhuuT

    dil taḌap se raat ko bijlī bhī maat thī

    kahtā nahīñ hai yaar tirā be-qarār jhuuT

    kyūñkar yaqīñ ho tere dahān-o-kamar yaar

    sābit kiyā hai maiñ ne tirā laakh baar jhuuT

    chhoḌūñgā maiñ rikāb na ho kar ġhubār bhī

    is meñ samajh zarā bhī na o shahsavār jhuuT

    kyā fā.eda agar ho koī be-chhurī halāl

    karte ho kyoñ bahāna-e-said-o-shikār jhuuT

    haq haq rahe zabān pe mansūr tarah

    bole na daar par bhī tirā jāñ-nisār jhuuT

    āshiq ko rote dekh ke va.ada vafā kiyā

    chhoḌ aatī aaj ke vo dariyā ke paar jhuuT

    allāh jāntā hai jo bande butoñ ke haiñ

    boleñ na mar ke bhī vo miyān-e-mazār jhuuT

    sach-much kiyā jo va.ada-e-vasl aaj yaar ne

    muñh se nikal gayā mire be-iḳhtiyār jhuuT

    sach to ye hai ki ḳhauf-e-junūñ se havā ho ruuh

    sun luuñ jo āmad-āmad-e-fasl-e-bahār jhuuT

    laanā yaqīñ na 'kaif' ke aqvāl-o-fe.al

    guftār is jhūTī hai sab kārobār jhuuT

    khoe na kis tarah se tera eatibar jhuT

    ek sach agar zaban pe hai to hazar chhuT

    karta hai aadmi ko bahut be-waqar jhuT

    chhuDwa de mujh se ai mere parwardigar jhuT

    haq haq na kis tarah se kahun un se haal-e-dil

    sach ka to eatibar nahin darkinar jhuT

    chhupta hai us sanam se kahin ishq-e-saKHta

    isa se koi KHak batae buKHar jhuT

    main naqsh-e-pa-e-ghair ko pahchanta hun KHub

    khao na mere sar ki qasam ai nigar jhuT

    dil ki taDap se raat ko bijli bhi mat thi

    kahta nahin hai yar tera be-qarar jhuT

    kyunkar yaqin ho tere dahan-o-kamar ka yar

    sabit kiya hai main ne tera lakh bar jhuT

    chhoDunga main rikab na ho kar ghubar bhi

    is mein samajh zara bhi na o shahsawar jhuT

    kya faeda agar ho koi be-chhuri halal

    karte ho kyon bahana-e-said-o-shikar jhuT

    haq haq rahe zaban pe mansur ki tarah

    bole na dar par bhi tera jaan-nisar jhuT

    aashiq ko rote dekh ke wada wafa kiya

    chhoD aati aaj ja ke wo dariya ke par jhuT

    allah jaanta hai jo bande buton ke hain

    bolen na mar ke bhi wo miyan-e-mazar jhuT

    sach-much kiya jo wada-e-wasl aaj yar ne

    munh se nikal gaya mere be-iKHtiyar jhuT

    sach to ye hai ki KHauf-e-junun se hawa ho ruh

    sun lun jo aamad-amad-e-fasl-e-bahaar jhuT

    lana yaqin na 'kaif' ke aqwal-o-feal ka

    guftar is ki jhuTi hai sab karobar jhuT

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now